牛肉佬給街坊的信

明師奶於茶樓發表辛酸史，熱爆街坊，感人肺腑，一時洛陽紙貴。唯獨牛肉佬心有不忿，感覺比人借黎過橋。

“我四十年前入行，後來轉做牛肉，由於當時少人做牛肉，又冇競爭，覺得自已係街巿精英，不自覺就開始自已幫客人決定牛展定牛腩，開始鬧啲客，亦開始呃稱。呃稱呃佐四十年，呢啲係環境造就，社會嘅錯! 但今日我好唔開心，好唔明白，點解新黎牛肉仔開檔之後，個個為佢打氣，踩我台?? 我知佢讀番書，唔呃稱，但係大家諗諗，我呃稱呃佐幾十年，慣佐，要改，要好大勇氣放下身段，係好艱難、好艱難、好艱難 … 但牛肉仔未呃過稱，佢根本唔使改!! 咁你地話啦，係咪應該支持我多啲呀??”

“仲有，牛肉仔黎佐之後，我生平第一次，第一次學習到原來啲客可以選擇拒絕我 … 上次強師奶膽敢唔要我切佐嗰件牛膀，我都冇鬧佢，仲笑笑口添!! 你地咁都感覺唔到我嘅誠意??”